Ödənişsiz şəkildə ”Marketinq və Satış” təlimi keçirilib
Gənclərin marketinq və satış sahəsinə olan maraqlarını nəzərə alaraq, bu sahə üzrə 50 nəfərlik təlim keçirilib.
“GUYS” İctimai Birliyinin Mətbuat xidmətindən TELEJURNAL-a bildirilib ki, konseptə uyğun olaraq, iştirakçılar marketinq və satış haqqında təməl biliklərə yiyələniblər.
Satışın strukturu, marketinqdə 4P qaydası kimi önəmli biliklər iştirakçılara öyrədildi. Təlimin daha maraqlı və faydalı keçməsi üçün təlim zamanı iştirakçılar müxtəlif qruplara bölünərək, satışın strukturuna uyğun olaraq, simulyasiya təşkil olundu.
Təlimin sonunda seçilən iştirakçılar marketinq və satış kursuna xüsusi endrimlər qazandılar.
Gənclərin maarifləndirilməsi məqsədilə belə təlimlər ödənişsiz şəkildə davamlı olaraq keçiriləcək.
Qeyd edək ki, təlim “GUYS”İctimai Birliyi, “Ekoloji Təmiz Məhsul İstehsalçıları və İxracatçıları” İctimai Birliyi, Telimciler.az və Afandi Biznes Akademiyasının təşkilatçılığı ilə “Economics school” proqramı çərçivəsində baş tutub.
