“Ödəniş sistemləri və rəqəmsal bankçılıq üzrə Ekspert Qrupu”nun növbəti iclası olub

Azərbaycan Banklar Assosiasiyası (ABA) nəzdində fəaliyyət göstərən “Ödəniş sistemləri və rəqəmsal bankçılıq üzrə Ekspert Qrupu”nun növbəti iclası keçirilib.

‘TELEJURNAL’ xəbər verir ki, ABA-dan AZƏRTAC-a bildirilib ki, iclasda əsasən ödəniş kartları ilə işin təşkili, o cümlədən əvvəlcədən ödənilmiş kartların emissiyası, V Beynəlxalq Bankçılıq Forumunda təqdim ediləcək mövzular, həmçinin maliyyə və qeyri-maliyyə xidmətləri üzrə bölgünün daha effektiv formada müəyyənləşdirilməsi və digər cari məsələlər müzakirə olunub. İclas zamanı sözügedən məsələlər barədə ekspertlər arasında fikir mübadiləsi aparılıb.

https://azertag.az/xeber/Odenis_sistemleri_ve_reqemsal_bankchiliq_uzre_Ekspert_Qrupunun_novbeti_iclasi_olub-1940340