Noyabrda paytaxtda 4 küçə əsaslı təmir edilib
Azərbaycan Avtomobil Yolları Dövlət Agentliyi (AAYDA) tərəfindən noyabr ayı ərzində Bakıda yerinə yetirilmiş işlər barədə məlumat açıqlanıb.
‘TELEJURNAL’ Agentliyin İctimaiyyətlə əlaqələr şöbəsindən AZƏRTAC-a bildirilən məlumata istinadən xəbər verir ki, həmin müddət ərzində paytaxtda uzunluğu 4400 metr olan 4 küçə əsaslı təmir edilib. Əsaslı təmir işlərinin aparıldığı sahə 25 min 220 kvadratmetrdir.
Həmçinin əsaslı təmir zamanı küçə və yollara 790 poqonmetr səki daşları düzülüb, 6 ədəd kanalizasiya lükü yenisi ilə əvəz olunub, 4800 poqonmetr üfüqi nişanlanma xətlərinin çəkilişi işləri aparılıb.
Orta təmir işlərinin aparıldığı küçələrin uzunluğu isə 2590 metr, orta təmir işlərinin aparıldığı sahə 22 min 756 kvadratmetr təşkil edib.
https://azertag.az/xeber/Noyabrda_paytaxtda_4_kuche_esasli_temir_edilib-1946940