Nikolay Patruşev Finlandiya ilə sərhəddə müşavirə keçirəcək
Rusiya Milli Təhlükəsizlik Şurasının katibi Nikolay Patruşev Kareliya Respublikasına səfər edəcək.
TELEJURNAL xəbər verir ki, Nikolay Patruşev Petrozavodskda milli təhlükəsizlik məsələləri ilə bağlı müşavirə keçirəcək, həmçinin regionun sosial-iqtisadi inkişafı üçün əhəmiyyətli olan bir sıra istehsal müəssisələrinə baş çəkəcək.
Qeyd olunub ki, katib mütəmadi olaraq müxtəlif federal dairələrdə milli təhlükəsizliyin aktual məsələlərinə dair görüşlər keçirir.
Xatırladaq ki, Patruşev Kareliyaya sonuncu dəfə 2022-ci ilin avqustunda səfər edib və bu regiondakı işlərin vəziyyətindən yaxşı xəbərdardır. Belə ki, 2013-cü ildən 2020-ci ilə qədər respublikanın yaranmasının 100 illiyinin qeyd edilməsinə hazırlıq üzrə dövlət komissiyasına rəhbərlik edib, sonra isə prezidentin adından Kareliyanın sosial-iqtisadi inkişafına nəzarəti davam etdirib.