Nikaraqua Prezidenti və vitse-prezidenti Azərbaycan dövlət başçısına təbrik məktubu ünvanlayıblar

Nikaraqua Respublikasının Prezidenti Daniel Orteqa Saavedra, Nikaraqua Respublikasının vitse-prezidenti Rosario Muriyo Prezident İlham Əliyevə təbrik məktubu ünvanlayıblar.

Telejurnal.az   xəbər verir ki, məktubda deyilir:

“Zati-aliləri, əziz qardaşımız İlham Əliyev!

Ölkənizin Müstəqillik Günü münasibətilə Sizi və Azərbaycan xalqını təbrik edir, ehtiramımızı, sevgimizi və qardaşlıq həmrəylimizi bildiririk. İnanırıq ki, birgə işləyərək ölkələrimizi dünyanın bütün xalqlarının arzuladığı daha yaxşı məkana çevirə bilərik.

Sizə dərin ehtiramımızı ifadə edirik. Əminik ki, xalqlarımızın rifahı naminə birgə səylərimizi bundan sonra da davam etdirəcəyik”.