“Neftçi” Rusiyadakı turnirə qatılır – “Zenit”dən açıqlama
“Neftçi”nin yayda Sankt-Peterburqda keçiriləcək turnirdə iştirak edəcəyi dəqiqləşib.
Telejurnal Qol.az-a istinadən xəbər verir ki, bunu sözügedən şəhərin təmsilçisi “Zenit”in baş direktoru Aleksandr Medvedev deyib.
“İyulda biz “Fənərbağça”, “Srvena Zvezda” və “Neftçi” komandalarını Sankt-Peterburqda keçiriləcək turnirdə gözləyirik” – deyə klub rəsmisi bildirib.
Qeyd edək ki, “Neftçi” yay yoldaşlıq turnirində Moskva “Dinamo”sunu əvəzləyəcək.
Əlavə edək ki, hazırda Ukrayna başda olmaqla bir çox Avropa ölkəsi Rusiya ilə rəsmi və qeyri-rəsmi idman əlaqələrinə qarşıdırlar. Rusiyanın Ukraynaya hərbi təzavüzünə görə bu ölkənin komandaları futbol da daxil olmaqla beynəlxalq yarışlardan kənarlaşdırılıb. “Neftçi”nin Sankt-Peterburq yarışında iştirakı isə təkcə idman deyil, siyasi baxımdan da Azərbaycan-Ukrayna münasibətlərinə mənfi təsir göstərə bilər.