Müharibə başlayandan bəri 220 mindən çox Ukrayna vətəndaşı Türkiyəyə gəlib

Müharibə başlayandan bəri 220 mindən çox Ukrayna vətəndaşı Türkiyəyə gəlib. Ancaq bu gün orada təxminən 45-50 min ukraynalı qalıb.

TELEJURNAL xəbər verir ki, bunu “RBK-Ukrayna”ya müsahibəsində Ukraynanın Türkiyədəki səfiri Vasili Bodnar deyib.

“Bu, Türkiyənin daha çox tranzit ölkə olduğunu göstərir. Əslində, Türkiyə rahatdır, çünki burada heç bir problem olmadan 90 gün vizasız qalmaq mümkündür”, – deyə səfir əlavə edib.

Diplomatın sözlərinə görə, sənədlərinin müddəti bitmiş ukraynalılar da Türkiyəyə buraxılıb. Onlar, həmçinin ölkəyə şəxsi avtomobillərlə də daxil ola biliblər.