Monteneqro parlamentinin sədri Azərbaycana səfəri çərçivəsində Nizami Gəncəvi Beynəlxalq Mərkəzində görüş keçirib
Monteneqro parlamentinin sədri Aleksa Beçiç Azərbaycana rəsmi səfəri çərçivəsində Nizami Gəncəvi Beynəlxalq Mərkəzində görüş keçirib.
“TELEJURNAL” AZƏRTAC-a istinadən xəbər verir ki, görüşün məqsədi hər iki tərəfin mövcud pandemiya şəraitinə baxmayaraq, qarşılıqlı əlaqələri gücləndirməsi, noyabr ayında Bakıda Azərbaycan Respublikasının Prezidentinin himayəsi ilə keçirilmiş 8-ci Qlobal Bakı Forumu və Mərkəzin Qərbi Balkanlarda reallaşdırdığı layihələrin müzakirəsi olub. Həmçinin, 2022-ci ildə Mərkəzin Monteneqroda təşkil edəcəyi ali səviyyəli toplantı haqqında məlumat verilib.
Səfər zamanı Aleksa Beçiç və digər rəsmilər dahi Azərbaycan şairi Nizami Gəncəvinin əlyazmalarından ibarət sərgi ilə tanış olublar.
Görüşdə Monteneqro parlamentinin üzvü Boris Boqdanoviç, bu ölkənin Azərbaycandakı səfiri Perişa Kastratoviç və fəxri konsul Vüqar Əliyev də iştirak ediblər.
