Misir Sudanda diplomatının ölüm xəbərini təsdiqləyib

Misir Xarici İşlər Nazirliyi bazar ertəsi axşam onun Xartumdakı diplomatik nümayəndəliyinin əməkdaşının öldüyünü açıqlayıb.

TELEJURNAL xəbər verir ki, diplomatiya idarəsinin “Facebook” sosial şəbəkəsindəki rəsmi səhifəsində dərc olunan bəyanatda bildirilir ki, səfirliyin inzibati məsələlər üzrə attaşe köməkçisi vəfat edib.

Xarici İşlər Nazirliyinin məlumatına görə, diplomat Misir vətəndaşlarının Sudandan təxliyəsi prosedurlarına nəzarət etmək üçün yaşadığı evdən səfirlik binasına gedərkən öldürülüb.

Qeyd edək ki, şənbə günü Misirin Xartumdakı səfiri Hani Salah Sudan ordusunun hərbi attaşenin köməkçisinin avtomobilinə hücumu etdiyini və nəticəsində diplomatın həlak olması ilə bağlı xəbərlərini təkzib etmişdi.

Hazırda Sudanda 10 mindən çox misirlinin olduğu bildirilir.