Milli Məclis Azərbaycan ilə İspaniya arasında məxfi məlumatın mübadiləsi və qarşılıqlı mühafizəsi ilə bağlı sazişi təsdiqləyib

Milli Məclis Azərbaycan Respublikası Konstitusiyasının 95-ci maddəsinin I hissəsinin 4-cü bəndinə əsasən “Azərbaycan Respublikası Hökuməti ilə İspaniya Krallığı Hökuməti arasında məxfi məlumatın mübadiləsi və qarşılıqlı mühafizəsi haqqında” Sazişin təsdiq olunması ilə bağlı qanun layihəsini qəbul edib.
“TELEJURNAL” AZƏRTAC-a istinadən xəbər verir ki, qanun layihəsi parlamentin fevralın 15-də keçirilən plenar iclasının gündəliyinə daxil edilib.
İki ölkə arasında məxfi məlumatın mübadiləsi və qarşılıqlı mühafizəsi haqqında saziş 2021-ci il dekabrın 14-də Madrid şəhərində imzalanıb.
Qanun layihəsi səsvermədən sonra bir oxunuşda qəbul edilib.