“Məktəb direktorlarının işlərinə xitam verilməsi, nöqsanlarının olmasından dolayıdır “- Adil Vəliyev
Nazirlik tərəfindən mütəmadi şəkildə keçirilən monitorinqlər zamanı yol verdikləri nöqsanlara görə, 200 məktəb direktorunun işinə xitam verilib. Bununla bağlı Təhsil eksperti Adil Vəliyev ”Telejurnal.az”-a açıqlamasında bildirib.
”Mən düşünürəm ki, 200 məktəbin direktorunun iş fəaliyyətinə xitam verilməsi hərhalda onların işlərində ciddi şəkildə nöqsanların olmasından dolayıdır.Bilirsiniz ki, işə xitam verilənə kimi xəbərdarlıq, töhmət, şiddətli töhmət kimi proseslər gedir. Daha sonra işə xitam verilir. Düşünürəm ki, bu, işə xitam verilmədən sonra digər rəhbər şəxslər də bundan nəticə çıxarar və əmək fəaliyyətlərini sadiq şəkildə davam etdirərlər.Belə demək olar ki, bu cür məktəb direktorlarının o məktəbdə fəaliyyət göstərməsindənsə, elə məktəbdə direktor olmaması daha məqsədəuyğundur. Az öncə də qeyd etdiyim kimi, bundan nəticə çıxaran digər müəllim və rəhbər şəxslər də , eyni səhvləri təkrarlamazlar.
Diqqət yetirmək lazımdır ki, yeni təyinatlar da olur. Düzdür, 200 məktəbə birdən-birə direktor təyin etmək olmaz, bu zaman bəzi nüanslara xüsusi diqqət yetirmək lazımdır. Diqqət etdiyim zaman görürəm ki, yeni təyin olunan direktorlar həm müəllimlərlə, həm şagirdlərlə fərqli şəkildə ünsiyyət qururlar və bu kimi rəhbər şəxslərin uğur nəticə əldə edəcəklərinə də inanıram.Hərhalda, sentyabrın sonlarına kimi, məktəb direktorlarının təyinatları bitər və rəhbərsiz məktəbimiz qalmaz.Çünki bəzi qərarlar var ki, orda mütləq şəkildə məktəb rəhbərinin xüsusi icazəsi olmalıdı və onların bu zaman fərqli yanaşmaları və təklifləri də ola bilər”.
Nigar Əkbərova