Makron: Çin sülh quruculuğunda mühüm rol oynayır
Fransa prezidenti Emmanuel Makron hesab edir ki, Çin sülhün qurulmasında mühüm rol oynamalıdır.
TELEJURNAL xəbər verir ki, o, bu barədə cümə axşamı “Tvitterdə” Çin prezidenti Si Cinpinqlə danışıqlara başlamazdan əvvəl yazıb.
“Mən əminəm ki, Çin sülhün qurulmasında mühüm rol oynamalıdır. Mən bunu müzakirə etməyə gəlmişəm”, – deyə Makron bildirib.
“Biz həmçinin prezident Si Cinpinqlə müəssisələrimiz, iqlim və biomüxtəliflik problemləri, ərzaq təhlükəsizliyi haqqında danışacağıq”, – deyə Fransa lideri əlavə edib.
Qeyd edək ki, Makron çərşənbə günü Çinə gedib. Fransa Prezidenti üçün bu, son üç il yarımda Çinə ilk səfəridir, əvvəlki dəfə o, ilk prezidentlik dövründə 2019-cu ilin payızında Pekinə səfər etmişdi.
Fransa lideri Pekində Ukrayna münaqişəsini və ikitərəfli Fransa – Çin münasibətlərinin, ilk növbədə, iqtisadi sahədə inkişafını müzakirə etməyi planlaşdırır. Çərşənbə günü o, Çinin Rusiya ilə yaxşı münasibətlərə görə Ukrayna ətrafındakı vəziyyətdə mühüm rol oynaya biləcəyini deyib.
Yelisey sarayından verilən məlumata görə, Makronun səfərinin rəsmi proqramı aprelin 7-də başa çatacaq.