Macarıstan Nazirlər Kabinetinin yanacağa güzəştli tariflər barədə qərarı kəskin tənqid edilir
Budapeşt, 16 iyun, TELEJURNAL AZƏRTAC-a istinadən xəbər verir ki,
Macarıstanın Özəl Yanacaqdoldurma Stansiyaları Assosiasiyasının prezidenti Qabor Eqri yanacağın güzəştli tariflər üzrə yalnız Macarıstan nömrə nişanlı nəqliyyat vasitələrinin sahiblərinə satılması barədə hökumətin qərarını tənqid edib. həftəlik HVG jurnalına istinadla xəbər verir ki, Eqri həmin qərarın “lazımınca düşünülməmiş və həyata keçirilə bilməyən qərar” olduğunu söyləyib.
Assosiasiyanın rəhbəri deyib: “İş burasındadır ki, sürücülər yanacaq doldurarkən əvvəlcə avtomobili forsunkaya qoşur, yanacağı doldurur və yalnız bundan sonra ödəniş etmək üçün kassaya gedirlər. Əgər onlar rəsmi qiymət üzrə benzin doldurursa, lakin nömrə nişanı Macarıstana aid deyilsə, ödəniş vaxtı anlaşılmazlıq yarana bilər. Bu halda biz nə etməliyik – polis çağıraq, yoxsa yanacağı bakdan boşaldaq?”.
Qabor Eqrinin fikrincə, bu həm də istehlakçı hüquqlarının pozulması deməkdir, çünki müştərilər benzinin qiyməti barədə əvvəlcədən məlumatlandırılmalıdır. Yanacaqdoldurma stansiyalarında əvvəlcə maşının nömrəsini yoxlamaqdan başlasalar, yanacaqdoldurma prosesi çox vaxt tələb edəcək və uzun tıxaclar yaranacaq. Onun sözlərinə görə, hökumət belə bir qərar qəbul etməzdən əvvəl ekspertlər məsləhətləşməli idi.
Yay mövsümündə sakinlərin çoxu öz avtomobillərində dənizə gedir, fermerlər isə məhsul yığmağa başlayır, bu səbəbdən dizel yanacağına tələbat daha da artır.
Vəziyyəti gərginləşdirən daha bir amil ondan ibarətdir ki, yoldan görünən nişanlarda və elektron tablolarda yanacağın yalnız rəsmi qiyməti əks olunur. Lakin yanacaqdoldurma stansiyasına gələn hər kəs orada yüksək qiymət görəcək və təbii ki, təəccüblənəcək.
Lakin hökumətdə bu problemi etiraf ediblər. İndi Nazirlər Kabineti həm tıxaclar və anlaşılmazlıq yaranmaması, həm də öz ünvanına tənqidlər eşitməmək üçün güzəştlər sistemini təkmilləşdirmək barədə düşünür.
