Luqansk separatçılarının “daxili işlər naziri”nə sui-qəsd olub, 1 nəfər ölüb, 7-si yaralanıb – YENİLƏNİB
Ukrayna ərazisində yaradılan qondarma Luqansk Xalq Respublikasının “daxili işlər naziri” İqor Kornetə qarşı sui-qəsd nəticəsində yoldan keçən 1 nəfər ölüb, 7 nəfər yaralanıb.
“Report” xəbər verir ki, bu barədə Rusiya KİV-i məlumat yayıb.
Bildirilib ki, yaralananlardan 4-nün vəziyyəti ağırdr.
Qeyd olunub ki, xəsarət alanlardan 3-ü mühafizə xidmətinin əməkdaşı olub.
Ukrayna ərazisində yaradılan qondarma Luqansk Xalq Respublikasının “daxili işlər naziri” İqor Kornetə qarşı sui-qəsd olub.
Telejurnal TASS-a istinadən xəbər verir ki, o, ağır yaralanıb.
Separatçıların nümayəndəsi xəstəxanaya yerləşdirilib və hazırda reanimasiyadadır.
Qeyd edək ki, Luqansk 2014-cü ildən Rusiyanın dəstəklədiyi separatçı qüvvələrin nəzarətində altındadır. Luqanskda separatçı bölgə Donbas müharibəsinin nəticəsində yaranıb.