Lukaşenka qubernatorlara “dəmir diktatura” vəd edib
Yerli iqtisadi idarəetmənin keyfiyyətinin aşağı olması Belarusda regional məmurlar üçün nizam-intizam məsələlərində “dəmir diktatura”nın tətbiqini tələb edir.
Telejurnal xəbər verir ki, “BelTA” agentliyinin verdiyi məlumata görə, bu barədə cümə günü respublika prezidenti Aleksandr Lukaşenko Qomel vilayətinə işgüzar səfəri zamanı bildirib.
“Dəmir diktatura gəlir, Minskdə oturub qalmışıq. Biz Qrodnoda iclas keçiririk – hökumətin qubernatorlardan tam ayrılması qərarını verdik”, – deyə prezident qeyd edib.
Lukaşenko buna misal olaraq meliorasiyanın aşağı göstəricilərini və ona ayrılan büdcə vəsaitlərinin səmərəsiz xərclənməsini göstərib. “İşlər çox yavaş gedir. Sürətləndirmək lazımdır, bu gün bu qəpiyi üç barmaqla çıxarıblar, sabah olmaya da bilər. Və buna görə, məmurlar qanun qarşısında məsuliyyət daşıyacaq”, – deyib Lukaşenko.
O qeyd edib ki, dəmir intizamlı olmalıdır. Eyni zamanda, o bildirib ki, işgüzar insanlara dəstək vermək lazımdır. “Torpaqlarımız qızıldır, imkan yaradın əkib becərsinlər. Qarşılarında maneə olmayın, əksinə kömək edin, indi məhz o zamandır ki, ərzaq bolluğu yaradanlara dəstək verilməlidir”, – deyə ölkə prezidenti qeyd edib.
O, Qomel vilayətində mal-qara olan təsərrüfatların azalması ilə bağlı problemlərin olduğunu qeyd edib, texnika ilə ehtiyatlı davranılmasının vacibliyinə diqqət çəkib: “Hər şeyimiz kifayət qədərdir. Təkcə intizamımız çatmır. Bu ölkəni dost ölkələrin qida sənayesi mərkəzinə çevirmək mümükündür, sadəcə, burada dəmir intizam lazımdır. Biz onu yaradacağır, istəyirlər buna diktatura desinlər və ya nə deyirlər desinlər, biz öz sistemimizi qurmalıyıq”, – deyə o bildirib.
