Litvalı deputat Rusiyanın məkrli planlarını açıqlayıb: Krımda uşaqları “canlı qalxan” kimi istifadə edəcəklər
Litva Seyminin üzvü Laurinas Kaşşünas Moskvanın məkrli planlarını açıqlayıb və bununla bağlı bir sıra ölkələrin hökumətlərinə çağırış edib.
Telejurnal xəbər verir ki, bu barədə Baltikyanı ölkənin siyasətçisi feysbukda yazıb.
“Rusiya Federasiyası dünyanın müxtəlif ölkələrində işğal olunmuş Krım yarımadasında yaxın gələcəkdə tətilə və ya müxtəlif mədəni-maarifləndirici tədbirlərə cəlb etmək məqsədilə uşaq qrupları təşkil edir. Bu əməliyyat coğrafi baxımdan fərqli yerlərdə aparılır.
Məsələn, musiqi müsabiqəsi qalibi adı altında bir qrup Qazaxıstan, İsrail, Belçika, Mərakeş, Tacikistan, Misir, Ermənistan və digər ölkələrdən on iki-on üç yaşlı məktəblilər yaxın gələcəkdə Krımdakı “Artek” uşaq düşərgəsinə dəvət olunurlar. Digər tədbirlər də təşkil olunur.
Bu, iki məqsəd üçün edilir: əlbəttə ki, Krımın guya Rusiya Federasiyasının qanuni bir hissəsi olduğu təəssüratını yaratmağa çalışmaq və işğal faktını inkar etmək, lakin hazırd əsas məqsəd daha məkrlidir – məqsədi, şübhəsiz ki, işğal olunmuş Krım yarımadası da olan Ukrayna qoşunlarının əks-hücum əməliyyatından öncə mümkün qədər çox “canlı qalxan” gətirməkdir.
Bu və digər dövlətlərin hökumətləri öz azyaşlı vətəndaşlarını qorumaq üçün dərhal tədbirlər görməli və Rusiya Federasiyasının girov və ya hərbi təbliğat məqsədləri üçün istifadə etməsinə mane olmalıdırlar”, – deputat qeyd edib.