KOBİA Qətərin “Baladna Food Industries” şirkəti ilə əməkdaşlıq imkanlarını müzakirə edib

Kiçik və Orta Biznesin İnkişafı Agentliyində (KOBİA) Qətər Dövlətinin ət, süd və süd məhsullarına olan tələbatını 95 faiz təmin edən “Baladna Food Industries” şirkətinin nümayəndələri ilə görüş keçirilib.
“TELEJURNAL” xəbər verir ki, KOBİA-dan AZƏRTAC-a bildirilib ki, agentliyin İdarə Heyətinin sədri Orxan Məmmədov və “Baladna Food Industries”in icraçı direktoru Ramez Al-Khayyat arasında təşkil edilmiş görüşdə qarşılıqlı olaraq Kiçik və Orta Biznesin İnkişafı Agentliyinin dəstək və xidmətləri, Qətər şirkətinin fəaliyyəti barədə məlumat verilib, eləcə də əməkdaşlıq imkanlarına və Azərbaycanda KOB-ların iştirakı ilə oxşar layihələrin icrasına dair fikir mübadiləsi aparılıb.