KOB subyektlərinin növbəti şəbəkələşmə görüşü təşkil olunub
Şəki KOBİM-in dəstəyi ilə KOB subyektlərinin növbəti şəbəkələşmə görüşü təşkil olunub
İyulun 20-də Kiçik və Orta Biznesin İnkişafı Agentliyinin (KOBİA) Şəki KOB İnkişaf Mərkəzi (KOBİM) və “Marsol Group” MMC-ilə əməkdaşlıq çərçivəsində sahibkarlar üçün şəbəkələşmə görüşü təşkil edilib.
7 nəfər sahibkarın iştirak etdiyi “Satış kanalları və texnikaları” adlı şəbəkələşmə görüşündə öncə fərqli biznes subyekti nümayəndələri öz biznesləri barədə məlumat verib və birgə əməkdaşlıq əlaqələri müzakirə edilib. Görüşdə davamında Şəki KOBİM-in peşəkar eksperti Elçin Poyliyev tərəfindən KOB subyektlərinə satış kanalları və texnikaları, markalaşma istiqamətində qarşılıqlı fikir mübadiləsi aparılıb.
Qeyd edək ki, Şəki KOBİM-in xidmətlərindən faydalanmaq üçün (+994 50) 996 33 95 nömrəsi ilə əlaqə saxlaya və ya Şəki şəhər, Məmmədiyə Məmmədov küç, ev 35-də yerləşən Mərkəzin ofisinə müraciət edə bilərsiniz.
Şəki KOBİM tərəfindən göstərilən bütün xidmətlər ödənişsizdir.
