Top və gürzlərlə final mərhələsində çıxış edən Alina Gözəlova isə hər iki alət üzrə yekun sıralamada beşinci yeri tutub.

Çempionatın sonuncu günündə – noyabrın 29-da milli komandamızın üzvləri Zöhrə Ağamirova və Arzu Cəlilova böyük gimnastlar arasında çoxnövçülük yarışlarında qitə çempionu adı uğrunda mübarizə aparacaqlar.

Qeyd edək ki, Avropa çempionatında Azərbaycan komandası çoxnövçülükdə gümüş, komanda hesabında və 3 halqa və 2 cüt gürz ilə yarışlarda bürünc medal əldə edib.