KİV: Sunak Consonun qarşıdan gələn seçkilərdə parlamentə qayıtmasına icazə verməyəcək
Böyük Britaniyanın baş naziri Rişi Sunak keçmiş baş nazir Boris Consonu qarşıdan gələn seçkilərdə parlamentə namizəd olmaq imkanından məhrum edəcək.
Telejurnal xəbər verir ki, bu barədə mənbələrə istinadən “The Guardian” qəzeti məlumat yayıb.
Hakim Mühafizəkarlar Partiyasının yüksək vəzifəli nümayəndəsi nəşrə deyib: “Mən onun bu və ya gələn il parlamentə namizəd olacağı vəziyyəti təsəvvür edə bilmirəm”.
Böyük Britaniyanın keçmiş baş naziri Boris Conson, COVID-19 dövründə baş nazirin ofisində keçirilən partiyalarla bağlı xəbərin üzə çıxmasından sonra parlamentdəki vəzifəsindən istefa verib. O, qərarını koronavirusla bağlı məhdudiyyətləri pozduğuna əsaslanaraq aparılan istintaq hesabatı açıqlanmazdan əvvəl söyləyib.
Conson verdiyi yazılı açıqlamada istefaya məcbur edildiyini iddia edib və buna görə istintaq komitəsini günahlandırıb. O, Brexit üçün ondan qisas almağa çalışdıqlarını iddia edib.
Consonla Sunak arasında münaqişə həm də onunla mürəkkəbləşib ki, indiki Baş nazir onun təklifi ilə sələfinin ən yaxın adamlarının Britaniya parlamentinin Lordlar Palatasında yer almasına icazə verməyib.
“Niyə o, Rişi Sunakın imzalayacağı namizədlər siyahısında yer alsın? Mənə tam aydındır ki, bu baş verməyəcək. Deputatların böyük əksəriyyəti bu fikirdədir”, – başqa bir mənbə The Guardian-a bildirib.
