Kim Çen In: KXDR-in hərbi qüvvələri istənilən döyüşə hazırdır
Şimali Koreya ona qarşı hərbi münaqişəyə başlayan istənilən qüvvəni məhv edəcək.
TELEJURNAL xarici KİV-lərə istinadla xəbər verir ki, KXDR lideri Kim Çen In bu barədə Koreya Xalq Ordusunun qurulmasının 90 illiyinə həsr olunan paradda sıxış edərkən deyib.
“Hazırda hərbi qüvvələrimiz istənilən döyüşə hazırdır. Biz KXDR ilə hərbi münaqişəyə cəhd edən istənilən qüvvəni məhv edəcəyik”, – deyə Kim Çen In bildirib.
Parad aprelin 25-də yerli vaxtla saat 22:00-da Pxenyan şəhərindəki Kim İr Sen meydanında keçirilib. Paradda Koreya Xalq Ordusunun 20 minə yaxın əsgəri və hərbi texnikası iştirak edib. Məşqlərdə “Hvason-8” hipersəs raketlərinin, bu yaxınlarda sınaqdan keçirilən “Hvason-17” qitələrarası raketlərin (ICBM), həmçinin sualtı qayıqdan buraxılan ballistik raketlərin iştirak etdiyi iddia olunur.