Kəlbəcərə dəmir yolu xəttinin çəkilməsi ilə bağlı konseptual layihələr hazırlanıb

Kəlbəcərə dəmir yolu xətti üzrə konseptual layihələr hazırlanıb, hazırda texniki-iqtisadi əsaslandırma işləri aparılır.
“TELEJURNAL” AZƏRTAC-a istinadən xəbər verir ki, bu barədə rəqəmsal inkişaf və nəqliyyat nazirinin müşaviri Aida Bədəlova “Azərbaycanda rəqəmsal inkişaf və nəqliyyat sahəsi üzrə prioritetlər” mövzusunda keçirilən seminarda deyib.
O bildirib ki, Bərdə-Ağdam dəmir yolu xəttinin birinci hissəsi üzrə işlər başlanıb, ikinci hissəsinin layihələndirilməsi işləri aparılır. Həmçinin Füzuli-Şuşa və Horadiz-Ağbənd dəmir yolu xətləri də layihələndirilir.