Kanada Ukraynaya 373 milyon dollarlıq yeni hərbi yardım paketi verəcək – YENİLƏNİB
Kanadanın Baş naziri Castin Trüdo Kiyevdə Ukraynaya yeni hərbi yardım paketini açıqlayıb. Yardımın həcmi 373 milyon dollar təşkil edəcək.
Telejurnal TASS-a istinadən xəbər verir ki, bu barədə “Reuters” agentliyi məlumat yayıb.
Ukrayna Prezidenti Volodimir Zelenski ilə görüş çərçivəsində keçirilən mətbuat konfransında isə Trüdo Kanadanın ukraynalı pilotlar üçün çoxtərəfli təlim proqramında iştirak edəcəyini açıqlayıb.
Kanadanın Baş naziri Castin Trüdo Ukraynanın paytaxtı Kiyevdə səfərdədir.
Telejurnal xəbər verir ki, bu barədə məlumatı UNIAN yayıb.
Bildirilib ki, səfər əvvəlcədən elan olunmayıb.
İnformasiyaya əsasən, səfərdə onu maliyyə naziri Xristya Friland müşayiət edir.
Məlumata görə, bu, son bir ildə Castin Trüdonun Kiyevə artıq ikinci səfəridir.
