İtaliyada qiymət artımı sürətlənir
İtaliyada qiymət artımı ölkə daxilində və xüsusilə cənubdakı adalarda sürətlənir. Kataniya şəhəri inflyasiya göstəricisi baxımından İtaliyada birinci sırada qərarlaşıb.
“TELEJURNAL” AZƏRTAC-a istinadən xəbər verir ki, İtaliya Milli Statistika İnstitutunun (ISTAT) məlumatına görə, ölkədə illik əsasda məhsulların qiymətlərindəki artım 8,6 faizdən 9,8 faizə qədər olub. Mart ayında 8,1 faizlik ən yüksək inflyasiya göstəricisi isə Kataniya şəhərində qeydə alınıb.
Milli İstehlakçılar Birliyinin hesablamalarına əsasən, inflyasiya ailələrə ildə 2500 avrodan çox ziyan vurur.
Mart ayında İtaliyada inflyasiya 6,5 faiz olub, istehlak qiymətləri indeksi aylıq müqayisədə 1 faiz artıb. İnflyasiya tendensiyasının sürətlənməsi əsasən enerji məhsullarının qiymətləri ilə bağlıdır.
Qeyd edək ki, ölkədə mart ayı üzrə ilkin inflyasiya göstəricisi 6,7 faiz açıqlanmışdı.
