İşğaldan azad edilmiş rayonlardan olan məcburi köçkün sahibkarlar üçün təlimlərə start verildi

25 fevral tarixində Biləsuvar şəhərində yerləşən təlim mərkəzində Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə Ekoloji Təmiz Məhsul İstehsalçıları və İxracatçıları İctimai Birliyinin(AOPE) icra etdiyi “Orqanik Qarabağ: Dayanıqlı İnkişaf İstiqamətləri” adlı layihənin ilk tədbiri həyata keçirilib. Tədbirdə işğaldan azad edilmiş rayonlardan olan keçmiş məcburi köçkün sahibkarlar üçün “Yaşıl iqtisadiyyyat və ekoloji təmiz kənd təsərrüfatı” mövzusunda təlim keçirildi. Təlim yaşıl iqtisadiyyat üzrə mütəxəssis Sitarə Səfərovanın idarəçiliyi ilə həyata keçirilib. Təlimdə qlobal iqlim dəyişikliklərinin miqyasını nəzərə alaraq ekoloji təmiz texnologiyaların tətbiqinə əhəmiyyətli yer verilməsi, temiz enerji mənbələrindən istifadə, tullantıların təkrar emalı və çirklənmiş ərazilərin bərpası haqqında danışıldı.
Həmçinin, isğaldan azad olunmuş ərazilərə məcburi köçkünlərin yenidən qayıtması, həmin ərazilərdə infrastrukturun yaradılması, ağıllı kənd və ağıllı şəhər layihələri, e- sağlamlıq sistemi, elektron tədris, ağıllı kənd təsərrüfatı və digər sahələr barədə də məlumat verildi. Eyni zamanda təlim müddətində “Yaşıl iqtisadiyyat” in bazasında sahibkarlıq subyektlərinin qurulması istiqamətində tövsiyələr də verildi.
Layihə çərçivəsində silsilə tədbirlər may ayına qədər davam edəcəkdir.