İrina Venediktova: Azərbaycanın və Ukraynanın prokurorluq orqanları arasında əməkdaşlıq uğurla inkişaf edir

01 Dekabr 2021

Azərbaycanın və Ukraynanın prokurorluq orqanları arasında əməkdaşlıq daha da möhkəmlənib.

‘TELEJURNAL’ xəbər verir ki, bu fikri AZƏRTAC-a açıqlamasında Ukraynanın Baş prokuroru İrina Venediktova deyib.

İrina Venediktova bildirib ki, iki ölkənin prokurorluq orqanları arasında əməkdaşlığın genişlənməsi qarşılıqlı əlaqələrin daha da möhkəmlənməsi işinə xidmət edir.

“Ukrayna ilə Azərbaycan arasında hüquq sahədə əməkdaşlıq üçün geniş perspektivlər var. Biz bu perspektivlərdən səmərəli istifadə etmək istəyindəyik”, – deyə İrina Venediktova əlavə edib.

Ukraynanın Baş prokuroru qarşılıqlı münasibətlərin bundan sonra da uğurla davam etdiriləcəyinə əminliyini bildirərək, Azərbaycan ilə Ukrayna arasında əməkdaşlığın böyük əhəmiyyət daşıdığını qeyd edib.

https://azertag.az/xeber/Irina_Venediktova_Azerbaycanin_ve_Ukraynanin_prokurorluq_orqanlari_arasinda_emekdasliq_ugurla_inkisaf_edir-1940196

Sizin reklamınız burada ola bilər.