İranın XİN başçısının köməkçisi Astanada Putinin nümayəndəsi ilə görüşüb

20 İyun 2023

İran xarici işlər nazirinin xüsusi siyasi məsələlər üzrə baş köməkçisi Əli Əsgər Hacı Rusiya prezidentinin Yaxın Şərq və Afrika üzrə xüsusi nümayəndəsi, xarici işlər nazirinin müavini Mixail Boqdanov ilə görüşüb.

”Telejurnal,az” xəbər verir ki, bu barədə İranın “Mehr” agentliyi məlumat yayıb.

Məsləhətləşmələr Astana formatında (Rusiya, İran, Türkiyə) Suriya üzrə beynəlxalq görüş çərçivəsində aparılıb. Boqdanov və Əli Əsgər Hacı bölgədəki son hadisələri nəzərdən keçiriblər,

Dəməşq və Ankara arasında münasibətlərin normallaşmasına dair fikir mübadiləsi aparılıb, həmçinin Suriyadakı humanitar vəziyyəti müzakirə edilib.

Tərəflər regionda terrorla mübarizənin vacibliyini vurğulayıblar.

İranın IRNA agentliyinin məlumatına görə, xarici işlər nazirinin böyük köməkçisi türkiyəli həmkarı Burak Akçapar ilə də görüşüb.

Qeyd olunur ki, tərəflər Dəməşq və Ankara arasında münasibətlər bərpa olunana qədər danışıqların davam etdirilməsini müdafiə ediblər.

İran nümayəndələri Ərəb Respublikasının xarici işlər nazirinin müavini Ayman Susanın başçılıq etdiyi Suriya nümayəndə heyəti ilə də görüşüblər.

Sizin reklamınız burada ola bilər.