İran Əfqanıstan xalqına humanitar yardım göstərir

İran Əfqanıstana humanitar yardım göstərməkdə davam edir. Tehrandan Əfqanıstanın Qəndəhar şəhərinə 10 ton ərzaq göndərilib.

“TELEJURNAL” AZƏRTAC -a istinadən xəbər verir ki, İranın Əfqanıstandakı səfirliyinin açıqlamasına istinadla xəbər verir ki, düyü, un, yağ, makaron və digər ərzaq məhsullarından ibarət olan yardım Qəndəharda ehtiyacı olanlara paylanılıb. Açıqlamada diqqətə çatdırılıb ki, əfqan xalqına yardın proqramı çərçivəsində Kabil və digər şəhərlərə də yardımlar göndərilib. Ərzaqla yanaşı Əfqanıstana isti paltar tibbi avadanlıqlar və dərman preparatları da göndərilib.

Qeyd edək ki, hazırda İranda 3 milyona yaxın əfqan qaçqını yaşayır. İran hökuməti qaçqınları ərzaq və tibbi xidmətlə təmin edir. İranın müxtəlif şəhərlərinə sığınan əfqan qaçqınları yerli bələdiyyələr tərəfindən işlə də təmin olunurlar.