İordaniya qəzetində Milli Qurtuluş Gününə həsr olunmuş məqalə dərc edilib
Qahirə, 16 iyun, TELEJURNAL AZƏRTAC-a istinadən xəbər verir ki,
İordaniyanın “Əl Ənbat” qəzetində Azərbaycanın bu ölkədəki səfiri Eldar Səlimovun xalqımızın Milli Qurtuluş Gününə həsr olunmuş məqaləsi dərc edilib.
məqalədə ötən əsrin 90-cı illərinin əvvəlində, sovet hakimiyyətinin süqutundan sonra Azərbaycanda yaranmış mürəkkəb vəziyyətdən bəhs olunur. Müəllif qeyd edib ki, xalqımızın ümummilli lideri, dünya şöhrətli siyasətçi Heydər Əliyevin müdrik siyasəti sayəsində ölkəmiz bu ağır böhrandan, parçalanma və xaosdan xilas oldu. Azərbaycanlılar öz dahi liderinin respublikanın Ali Sovetinin sədri seçildiyi 1993-cü il 15 iyun tarixini Milli Qurtuluş Günü kimi qeyd edir, bu əlamətdar gündə onun əziz xatirəsinə ehtiramlarını bir daha ifadə edirlər. Məhz Heydər Əliyev dühasının sayəsində Azərbaycan qısa müddətdə regionun lider dövlətinə, dünyada böyük nüfuzu olan ölkəyə çevrildi.
Məqalədə Ulu Öndərin Azərbaycanda hakimiyyətə qayıdışından sonra ölkəmizdə aparılan siyasi və demokratik islahatlar, iqtisadi tərəqqi, dövlət quruculuğu prosesi barədə ətraflı məlumat verilib.
