INTERPOL tərəfindən axtarışda olan iki İŞİD terrorçusu Ankarada saxlanılıb

İstanbul,19 iyun, TELEJURNAL AZƏRTAC-a istinadən xəbər verirki.beynəlxalq Kriminal Polis Təşkilatı – INTERPOL tərəfindən qırmızı bülletenlə axtarışda olan iki xarici əsilli İŞİD terrorçusu Ankarada saxlanılıb.

Ankara polisi tərəfindən keçirilən iki əməliyyat nəticəsində ikisi qırmızı bülletenlə axtarışda olan üç şübhəli ələ keçirilib. Ötən illərdə qarşıdurma bölgələrində terror təşkilatı tərkibində fəaliyyət göstərdikləri müəyyən edilən şübhəlilər ifadələrinin alınması üçün polis bölməsinə aparılıblar. Saxlanılan şəxslərdən birinin sosial mediada İŞİD terror təşkilatı adına paylaşımlar etdiyi müəyyən olunub. Şübhəli ilə birlikdə ələ keçirilən rəqəmsal materiallarda terror təşkilatı liderlərinin çıxışları və təşkilatın edam görüntülərinin olduğu bildirilir.