İngiltərə Xarici İşlər Naziri Raabdan ikinci ölkəmiqyaslı karantin xəbərdarlığı

Təhlükəsizlik tədbirlərə riayət edilməli olduğunu bildirən Raab, əks halda sərt tədbirlərin yenidən qüvvəyə minə biləcəyini vurğuladı.

İngiltərədə COVİD-19 pandemiyası ilə əlaqədar hadisələr son zamanlarda yenidən artıb.
Bununla bağlı XİN Dominic Raab “SkyNews”-a verdiyi açıqlamada artan COVİD-19 yoluxmaları, tətbiq olunan testlərin sayı və alınan yeni tədbirlər ilə bağlı qiymətləndirmələr etdi.

Hava limanlarında tətbiq olunan koronavirus antikor testlərində “yanlış pozitiv göstəricilərin” çox yüksək olduğu barədə məlumatı bölüşən Raab, burada test edilənlərin bir neçə gün sonra təkrar testdən keçmələri lazım ola biləcəyini bildirdi.

Raab, ölkədə adambaşına düşən test nisbətinin digər Avropa ölkələrindən daha yüksək olduğunu qeyd edərək, hökumətin testləri bəzi işçilər üçün prioritet hala gətirməsini diqqət mərkəzində saxladı.

Pandemiyaya qarşı mübarizədə heç bir “sehrli çubuq” olmadığını və hökumətin bəzi Avropa ölkələrinin keçmişdəki nümunələrdən çıxardıqları dərslərlə hadisələrin artmasını dayandırmağını öyrəndiklərini qeyd edən Raab, hökumətin daha sərt bir ölkəmiqyaslı karantindən qorunmaq üçün yeni tədbirləri açıqladığını bildirdi.

Baş nazir B.Johnsonun dünən açıqladığı sabahdan etibarən qüvvəyə minəcək yeni tədbirlər çərçivəsində bütün bar və restoranlar yalnız yerində xidmət göstərəcək və saat 22:00-da bağlanacaqlar.

Pərakəndə satış mağazalarında, taksilərdə və qonaqlama məkanlarında maska ​​taxmaq məcburi olacaq. 28 sentyabr tarixindən etibarən toy mərasimlərində maksimal iştirakçı sayı da 30-dan 15-ə endiriləcək.

Yeni tədbirlər çərçivəsində, maska ​​taxmamaq cəzası 2 dəfə artırılaraq 200 funt-sterlinqə çıxarılacaq.