İlin ilk rübündə neçə nikaha daxilolma halı qeydə alınıb?

Bu ilin birinci rübündə ölkədə Ədliyyə Nazirliyinin rayon (şəhər) qeydiyyat şöbələri tərəfindən 11 min 870 nikaha daxilolma və 5 min 118 boşanma halları qeydə alınıb.

“Telejurnal” xəbər verir ki, bu barədə Dövlət Statistika Komitəsi məlumat yayıb.

Əhalinin hər 1000 nəfərinə nikahların sayı ötən ilin müvafiq dövrü ilə müqayisədə 5,9-dan 4,7-yə enib, boşanmaların sayı isə 1,5-dən 2-yə qədər artıb.

2023-cü ilin yanvar-mart ayları ərzində Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən daimi yaşamaq üçün Azərbaycana 886 nəfər gələn, ölkədən isə 527 nəfər gedən qeydə alınıb. Miqrasiya saldosu ölkə üzrə müsbət 359 nəfər təşkil edib.