İlin əvvəlindən İtaliyada 27,8 min hektardan çox yaşıllıq sahəsi yanıb.
İtaliyada ilin əvvəlindən bəri baş verən yanğınlar nəticəsində hektarla ərazini əhatə edən yaşıllıq sahəsi məhv olub.
TELEJURNAL. az AZƏRTAC-a istinadən xəbər verir ki, cari ildə ölkədə baş verən 243 yanğın zamanı 27 min 883 hektar meşə sahəsi yararsız hala düşüb.
Hazırda İtaliyanın müxtəlif bölgələrində meşə yanğınları davam edir. Keçən həftə ölkənin şimal-şərqində, Sloveniya ilə sərhəddəki Gorizia şəhərinin Karso bölgəsində başlayan yanğın hazırda nəzarət altına alınıb. Sloveniyada davam edən meşə yanğınının İtaliya ərazisinə keçmə ehtimalı səbəbindən sərhəd bölgəsində risk altında olan 300 nəfər ərazidən təxliyə edilib.
Toskana regionunda isə Maremma şəhəri ətrafında və Qrosseto şəhəri yaxınlığında meşə yanğınları baş verib, əraziyə xeyli sayda canlı qüvvə və helikopterlər cəlb olunub.
Qeyd edək ki, İtaliyada bir neçə gündür davam edən anomal istilər səbəbindən bəzi şəhərlərdə “qırmızı” həyəcan siqnalı elan olunub.