III Avropa Oyunları: Azərbaycan idmançıları bu gün üç növdə çıxış edəcəklər
Polşada təşkil olunan III Avropa Oyunları davam edir.
Telejurnal-ın məlumatına görə, yarışın beşinci günündə Azərbaycan idmançıları üç növdə mübarizə aparacaqlar.
Atıcılıqda iki idmançı fərdi növdə, eyni zamanda, qadınlardan ibarət komanda qüvvəsini sınayacaq. Millinin üç boksçusu rinqə çıxacaqsa, taekvondoçu Cavad Ağayev medal qazanmağa çalışacaq.
Atıcılıq
11:00. Regina Meftəhəddinova, Nurlana Cəfərova (skit)
13:00. Nərimə Səmədova, Nigar Nəsirova və Nəzrin Abbaslıdan ibarət komanda (10 m məsafəyə pnevmatik tapançadan atəş açma)
Taekvondo
13:36. Kişilər: Cavad Ağayev (68 kq)
Boks
Qadınlar
20:15. 54 kq, 1/16 final
Zeynəb Rəhimova – Lenuta Periyoç (Rumıniya)
Kişilər
20:45. 80 kq, 1/16 final
Murad Allahverdiyev – Kevin Şumann (Almaniya)
22:15. 92 kq, 1/16 final
Alfonso Dominqes (92 kq) – Yan Zak (İsrail)
Qeyd edək ki, Azərbaycan komandası 2 qızıl, 1 gümüş və 2 bürünc medalla ümumi sıralamada 10-cu pillədə qərarlaşıb. III Avropa Oyunları iyulun 2-də başa çatacaq.
