İHH Vəqfi: “Dünya Azərbaycanın mina probleminə az diqqət göstərir”
“Mina məsələsi sadəcə Azərbaycanın deyil, bütün dünyanın problemidir. Təəssüf ki, Azərbaycanda bu məsələ gündəmdə olmasına baxmayaraq, dünya buna az diqqət göstərir”.
“TELEJURNAL” Report-a istinadən xəbər verir ki, bunu Türkiyənin İnsan Haqq və Azadlıqları Humanitar Yardım Vəqfinin (İHA) nümayəndəsi Mehmed Altındaş söyləyib.
“Bu səbəbdən BMT-nin 17 Dayanıqlı İnkişaf Məqsədinə 18-cisinin əlavə edilməsi minatəmizləmə baxımından çox önəmlidir. Bunu dəstəkləyirik. Dəstəkləməyimizin səbəbi sadəcə Azərbaycandakı qardaşlarımızın zərər görməsi deyil, bu gün Kombocada, Suriyada, Əfqanıstanda, Somalidə bir çox insan bu müharibələrdən zərər görüb. Böyük qürurla ANAMA-nın fəaliyyətinə dəstək oluruq. Müharibədən, minalardan zərərçəkən, əzalarını itirən azərbaycanlı qardaşlarımıza ANAMA ilə ortaq olaraq protez və ortez hazırlayırıq”, – o vurğulayıb.
