İbrahim Rəisi: İran, Azərbaycan və Türkmənistan arasında qaz tranziti müqaviləsi böyük əhəmiyyət daşıyır

Aşqabadda İran, Azərbaycan və Türkmənistan arasında qaz tranziti ilə əlaqədar imzalanan müqavilə əhəmiyyətli sənəddir.

‘TELEJURNAL’ ‘AZƏRTAC’-a istinadən  xəbər verir ki, bu sözləri İran Prezidenti İbrahim Rəisi dövlət televiziyasına müsahibəsində deyib. O bildirib ki, bu müqavilə İranı regionun qaz tranziti mərkəzində çevirəcək. Bu müqavilə hər üç ölkənin iqtisadi inkişafını sürətləndirəcək.

Qeyd edək ki, noyabrın 28-də Aşqabadda imzalanan müqaviləyə əsasən dünya bazarına çıxarılan Türkmənistan qazı Azərbaycana İran ərzisindən idxal olunacaq. Həyata keçiriləcək bu əməliyyat İran üçün olduqca mühüm xarakter daşıyır. Məsələnin mahiyyəti ondan ibarətdir ki, İranın iri qaz yataqları ölkənin cənub rayonlarında yerləşir və ölkənin şimal rayonlarını qazlaşdırmaq çətinlik törədir. Aşqabadda imzalanan müqaviləyə əsasən isə İran tranzit haqqını qaz ilə alacaq və şimal rayonlarını qazlaşdıracaq və bunun üçün əlavə vəsait xərcləməyəcək.

Dekabrın 22-dən başlayaraq İran ərazisindən Azərbaycana 1,5-2 milyard kubmetr qazın ixracına başlanacaq.

https://azertag.az/xeber/Ibrahim_Reisi_Iran_Azerbaycan_ve_Turkmenistan_arasinda_qaz_tranziti_muqavilesi_boyuk_ehemiyyet_dasiyir-1944140