“Hökumətin heç bir devalvasiya planı yoxdur”
“Birmənalı olaraq demək istəyirəm ki, hökumətin və Mərkəzi Bankın heç bir devalvasiya planı yoxdur”.
“TELEJURNAL” “Qafqazinfo”-ya istinadən xəbər verir ki, bunu Mərkəzi Bankın sədri Elman Rüstəmov bu gün keçirilən mətbuat konfransında deyib.
O qeyd edib ki, yayılan məlumatlar tsiklik şayiələrdən başqa bir şey deyil: “Bu şayiələr bir neçə ayda sonra səngiyib keçir. Hökumətin və Mərkəzi Bankın belə bir planı yoxdur. Milli valyutanın məzənnəsi sabitdir. Başlıca fokusumuz inflasiyadır və qiymətlərin bərpa olunaraq 4 faiz səviyyəsinə qaytarılmasıdır”.
E. Rüstəmov əlavə edib ki, FED-in uçot dərəcəsi ilə bağlı qərarı bütövlükdə dünya maliyyə bazarlarında problemlər yarada bilər: “O bazarlarda olduqca böyük maliyyə axınları olub. FED-in faiz dərəcəsi ilə bağlı qərarı vəsaitlərin geri axını baş verə bilər. Azərbaycanda isə belə xarakterli axınlar yoxdur. Beləliklə, FED-in qərarının bizə elə də təsiri olmayacaq”.