“Haber Global”: Türkiyə, Azərbaycan, Özbəkistan, Qazaxıstan – Türk düşmənlərini qorxudacaq inkişaf

“Türk Dövlətləri Təşkilatının Ankarada (Türkiyə) keçiriləcək Fövqəladə Zirvə Toplantısına sayılı günlər qalıb. Gələn həftə olması planlaşdırılan toplantıda təbii fəlakətlərə qarşı atılacaq addımlar da müzakirə olunacaq”.

Bu barədə “Haber Global”ın hazırladığı süjetdə bildirilib.

Materialda Türkiyədə yaşanan fəlakətdən sonra türk dünyasının birləşərək dörd bir tərəfdən yardım əli uzadıldığı xatırladılıb.

“Qardaş ölkə Azərbaycan bu səfərbərlikdə ilk sırada idi. Həm Azərbaycan dövləti, həm də xalq ilk gündən Türkiyə üçün yardıma tələsdi. Avtomobili ilə yardım daşıyan azərbaycanlının fotosu isə zəlzələnin bir növ simvoluna çevrildi”, – deyə reportajda vurğulanıb.