Gürcüstanın hakim partiyasından daha bir deputat istefa verib.

Gürcüstan parlamentinin deputatı Quram Maçaraşvili hakim Gürcü Arzusu Partiyasından istefa verib.

TELEJURNAL. az Report-a istinadən  xəbər verir ki, o, bununla bağlı bəyanatla çıxış edib.

Q.Maçaraşvili hakim partiya sıralarını iyunun 28-də tərk etmiş həmkarları – Sozar Subari, Mixeil Kavelaşvili və Dmitri Xundadzeyə qoşulacağını bildirib.

O, bundan sonra müstəqil deputat kimi fəaliyyət göstərəcəyini deyib.

Qeyd edək ki, son bir ayda partiyanı üç deputatla yanaşı bölgələrdəki məmurlar da tərk edib. Yerli mətbuatın yazdığına əsasən, “Gürcü Arzusu”ndan istefa verənlər yeni hərəkat yaratmağı planlayırlar.