“Gürcüstandan Ermənistana gedən internet kabellərində kənar müdaxilələr aşkarlanıb”- Gürcüstan DİN

Gürcüstanın Daxili İşlər Nazirliyi (DİN) Kvemo Kartli, Marneuli və Dmanisidə naməlum şəxslərin Ermənistana və eyni zamanda yerli əhaliyə internet çıxışını təmin edən fiber optik kabelləri kəsdiyini açıqlayıb.

Nazirlikdən bildirilib ki, Kvemo Kartli Polis İdarəsi Dmanisi və Marneuli rayonlarında “beynəlxalq əhəmiyyətli fiber optik kabellərin zədələnməsi ilə bağlı istintaq” başlanıb.

Hazırda problemin həll edildiyi qeyd olunur.

Bildirilir ki, kəsilən kabellər Qara dənizdən çıxaraq Avropa və Asiyanı birləşdirən, Poti-Tbilisi-Bolnisi-Dmanisi-Ermənistan istiqamətinə keçən beynəlxalq əhəmiyyətli fiber optik kabellər olub.

Gürcüstan DİN faktla bağlı araşdırma aparır.