Gorus rayonu ərazisindən Azərbaycan ərazisinə raket atılıb

Oktyabrın 1-də səhər saatlarında Ermənistanın Gorus rayonu ərazisindən Azərbaycan ərazisi atəşə tutulub. Ermənistandan atılan raketlər Cəbrayıl-Füzuli ərazisindəki cəbhə xəttinə düşüb.

“telejurnal” xəbər verir ki, Müdafiə Nazirliyinin rəsmi veb səhifəsində belə xəbərdarlıq olunub: “Ermənistan tərəfindən tələb edirik ki, Azərbaycan ərazisinin atəşə tutulmasını dərhal dayandırsın və xəbərdar edirik ki, əks təqdirdə adekvat cavab tədbirləri görüləcək.”