Goranboyda güclü külək fəsadlar törədib

Goranboy rayonunda küləkli hava şəraiti səbəbindən iri gövdəli ağac aşıb, bir neçə kəndin elektrik enerjisində fasilələr yaranıb.

“TELEJURNAL.AZ” “Report”a istinadən xəbər verir ki, təbii hadisə nəticəsində rayonun Balakürd kəndində iri gövdəli qovaq ağacı aşıb.

Ağacın iri budaqları avtomobil yoluna düşdüyündən nəqliyyatın hərəkətində çətinliklər yaranıb. Yolun təmizlənməsindən sonra avtomobillərin hərəkəti normallaşıb.

Küləkli hava şəraiti səbəbindən rayonun Məşədiqaralar, Boluslu kəndlərində və digər ərazilərdə elektrik enerjisinin verilməsində fasilələr yaranıb.

Qeyd edək ki, hazırda Gəncə şəhərində və yaxın ətraf rayonlarda küləkli hava şəraiti müşahidə olunur.