Gənclər təşkilatları informasiya müharibəsində Birlik sərgilədilər
Məlum olduğu kimi işğalçı Ermənistan silahlı qüvvələri 12 sentyabr Azərbaycanla dövlət sərhəddinin müxtəlif istiqamətində yenidən atəşkəsi pozdu və Azərbaycan ordusu adekvat cavab verdi. Mübarizə tək cəbhədə deyil, həm də kiber aləmdə davam edirdi.
TELEJURNAL xəbər verir ki, vəziyyətlə bağlı ilk reaksiya verən 3 gənclər təşkilatı –“Gənclərin Töhfəsi”, “GUYS” və “Bizim Gənclik” İctimai Birlikləri ölkənin ən böyük kampaniyasını başlatdı və nəticə olaraq Azərbaycan informasiya müharibəsində düşmən üzərində ciddi üstünlük əldə etməyə başladı.
İnformasiya müharibəsi Twitter ilə yanaşı digər sosial media platformalarında da aktiv şəkildə keçirilir. Ümumilikdə prosesdə fəal şəkildə yüzlərlə gənc iştirak edərək, həqiqətləri mətn, fotofakt (poster) və digər formalarda dünya ictimaiyyətinə çatdırır. Gənclər bu prosesdə sadəcə paylaşımlarla kifayətlənmir eyni zamanda xarici ölkələrin dövlət rəsmiləri, beynəlxalq media qurumları və nümayəndələri, siyasətçilər, fəallar və digər şəxislərə rəsmi müraciətlər ünvanlayırlar. Bunda əsas məqsəd düşmənimizin yanında olanları qismən neytrallaşdırmaq, neytral olanları isə öz tərəfimizə çəkməkdən ibarətdir.
Azərbaycan Gəncliyi tarixi faktlarla düşməni susdur və bütün dünyaya həqiqətləri çatdırdı. Azərbaycan gəncliyi Silahlı qüvvələrin Ali baş komandanı İlham Əliyevin rəhbərliyi ilə ön cəbhədə və informasiya cəbhəsində düşmənə gücünü göstərir.
