Filippin Prezidenti xarici ölkələrlə mübahisələri danışıqlar yolu ilə həll etməyə çağırıb.
Filippinin yeni Prezidenti Ferdinand Markos xarici ölkələrlə mübahisələri danışıqlar yolu ilə həll etməyə çağırıb.
TELEJURNAL. az AZƏRTAC-a istinadən xəbər verir ki, bu barədə Filippin Prezidenti iyulun 25-də konqresdə özünün ilk müraciəti zamanı bildirib. Bu zaman onun konkret olaraq hər hansı ölkənin adını çəkmədiyi qeyd edilir.
“Mən Filippinin bir qarış torpağını belə xarici dövlətə verilməsini nəzərdə tutan heç bir prosesə rəhbərlik etməyəcəyəm”, – deyə Prezident vurğulayıb.
Filippin Prezidenti ölkənin suverenliyini qətiyyətlə müdafiə edəcəyini bildirib. Ölkəsinin əməkdaşlıq üçün həmişə yaxşı qonşu olmağa çalışacağını qeyd edən F.Markos bu zaman qarşılıqlı faydanın əsas götürüləcəyini deyib.
Qonşularla fikir ayrılığını aradan qaldırmaq üçün Filippinin müzakirələrə hazır olduğunu bildirən dövlət başçısı danışıqları konsensus əldə edilənədək davam etdirməyə hazır olduğunu da qeyd edib.