Əsas kapitala yönəldilmiş ümumi vəsaitin 69,6 faizi sənaye və tikinti sahələrinə sərf olunub
2021-ci ildə əsas kapitala yönəldilmiş ümumi vəsaitin 45,4 faizi sənaye, 24,2 faizi tikinti, 16,5 faizi nəqliyyat və anbar təsərrüfatına sərf olunub.
“TELEJURNAL” AZƏRTAC-a istinadən xəbər verir ki, həmin dövr ərzində sözügedən vəsaitin 5,1 faizi dövlət idarəetməsi və müdafiə, sosial təminat, 2,1 faizi kənd təsərrüfatı, meşə təsərrüfatı və balıqçılıq, 1,5 faizi təhsil, hər birində 1,2 faiz olmaqla peşə, elmi və texniki fəaliyyət, ticarət, nəqliyyat vasitələrinin təmiri, 0,9 faizi turistlərin yerləşdirilməsi və ictimai iaşə, 0,6 faizi informasiya və rabitə, hər birində 0,4 faiz olmaqla əhaliyə səhiyyə və sosial xidmətlərin göstərilməsi, inzibati və yardımçı xidmətlərin göstərilməsi, 0,3 faizi maliyyə və sığorta fəaliyyəti, hər birində 0,1 faiz olmaqla istirahət, əyləncə və incəsənət sahəsində fəaliyyət, digər sahələrdə xidmətlərin göstərilməsi sahələrinə yönəldilib.