Ermənistan Azərbaycanı 10 noyabr bəyanatı ilə bağlı ittiham edib

10 Noyabr 2021

Yerevan Bakını 10 noyabr bəyanatı ilə bağlı ittiham edib, Azərbaycan Xankəndi-Şuşa yolu yaxınlığında “su xəttini təmir edənlərə atəş açılması” ilə bağlı Ermənistanın yaydığı məlumatı şərh edib, Moskva bildirir ki, Rusiya, Azərbaycan və Ermənistan liderlərinin imzaladığı Üçtərəfli Bəyanatın “ümumilikdə yerinə yetirildiyini demək olar, ABŞ Dövlət Departamenti İkinci Qarabağ müharibəsindən qaynaqlanan problemləri həll etməyə səsləyib – daha ətraflı BBC News Azərbaycancanın icmalında.

Ermənistan Azərbaycanı 10 noyabr Üçtərəfli Bəyanatın müddəalarını “təhrif etməkdə” ittiham edib.

“Azərbaycan 9 noyabr 2020-ci il və 11 yanvar 2021-ci il tarixli regionda üçtərəfli bəyanatların infrastrukturların açılması ilə bağlı müddəalarını qəsdən təhrif edərək və özbaşına şərh edərək, “dəhliz” dediyi ideyasını hallandırır və güc tətbiqi ilə hədələyir ki, bu da nəinki həmin bəyanatların hərfinə və ruhuna ziddir, həm də regionda gərginliyin azaldılması üçün səylərin pozulmasına yönəlib”, – Ermənistan XİN-in bəyanatında deyilib.

Azərbaycanda bu ittihamlara reaksiya yoxdur.

Sizin reklamınız burada ola bilər.