Entoni Fauçi Co Baydenin prezidentlik müddəti başa çatanda federal xidmətdən getməyi planlaşdırır.
Doktor Entoni Fauçi bildirib ki, Prezident Co Baydenin səlahiyyət müddətə başa çatanda o da federal xidməti tərk etməyi planlaşdırır.
TELEJURNAL. az AZƏRTAC-a istinadla xəbər verir ki, Baydenin səhiyyə üzrə baş müşaviri, Milli Allergiya və İnfeksion Xəstəliklər İnstitutunun direktoru doktor Fauçi bunu CNN telekanalına müsahibəsində bildirib, lakin onu da əlavə edib ki, hələlik pensiyaya getmək prosesinə başlamayıb.
O deyib ki, Baydenin səlahiyyət müddəti 2025-ci ilin yanvarında başa çatır və çox güman ki, həmin vaxt istefaya gedəcək. Fauçi federal hökumətdə işdən gedəndən sonra səhiyyə sahəsində başqa imkanlardan istifadə etmək istəyir.
81 yaşlı Fauçi oğul Buşun, Obamanın, Trampın və Baydenin administrasiyalarına ictimai səhiyyə sahəsində bir neçə böhranın, o cümlədən IHV/AİDS epidemiyasının, Ebola və Zika viruslarının yayılmasının aradan qaldırılmasında kömək edib, daha sonra koronavirus pandemiyasına qarşı mübarizədə əsas fiqura çevrilib. O, koronavirusa qarşı ümumi vaksinasiyanın məşhur tərəfdarlarından biridir.