“Əl Masr Əl Yom” qəzeti: Prezident İlham Əliyev regionda yaranmış yeni reallığın beynəlxalq ictimaiyyət tərəfindən qəbul edildiyini bildirib
Misirin nüfuzlu “Əl Masr Əl Yom” qəzetində Azərbaycan Prezidenti İlham Əliyevin Moskvaya səfəri haqqında material dərc olunub.
“TELEJURNAL” AZƏRTAC-a istinadən xəbər verir ki, yazıda dövlətimizin başçısının regionda yaranmış yeni reallığın beynəlxalq ictimaiyyət tərəfindən qəbul olunduğu bəyanatı yer alıb. Qeyd edilib ki, Prezident İlham Əliyev Ermənistanın 2020-ci ilin noyabrında imzalanmış üçtərəfli Bəyanatın şərtlərinə əməl edəcəyinə ümidvar olduğunu vurğulayıb.
Misir oxucularının diqqətinə çatdırılıb ki, Prezident İlham Əliyev Azərbaycan və Rusiya arasında ticari əlaqələrdə müsbət dinamikanın davam etdiyini vurğulayıb və ticarət dövriyyəsinin 3 milyard dollara çatdığını bildirib.
Sonda qeyd olunub ki, Azərbaycan və Rusiyanın dövlət başçıları İlham Əliyev və Vladimir Putin arasında danışıqların yekununa dair iki ölkənin müttəfiqlik qarşılıqlı fəaliyyətinə dair Bəyannamə imzalanıb.