Dumanlı hava səbəbindən AZAL-ın Bakıdan Naxçıvana olan iki reysi gecikir

Naxçıvan Muxtar Respublikasının hava limanını bürüyən sıx duman səbəbindən “Azərbaycan Hava Yolları”nın (AZAL) Bakıdan Naxçıvana iki reysi gecikir.

‘TELEJURNAL’ AZAL-ın mətbuat xidmətindən AZƏRTAC-a bildirilən məlumata istinadən xəbər verir ki, “J2-251” və “J2-253” reyslərinin uçuşu Naxçıvan hava limanında hava şəraitinin yaxşılaşmasından dərhal sonra həyata keçiriləcək.

Aviaşirkətin qaydalarına əsasən, zərurət yarandığı təqdirdə hava limanında uçuşunu gözləyən gecikmiş reyslərin sərnişinləri yemək və içki ilə təmin olunacaqlar.

https://azertag.az/xeber/Dumanli_hava_sebebinden_AZAL_in_Bakidan_Naxchivana_olan_iki_reysi_gecikir-1939062