Deputat nazirlərdən Əli Əsədova şikayət edib

“Hökumət üzvləri telefonları götürmürlər. Cənab Baş nazir, elə nazirlər var ki, bizim zənglərimizə cavab vermirlər, telefonları götürmürlər”.

“TELEJURNAL” Report-a istinadən xəbər verir ki, bunu Milli Məclisin deputatı Tahir Kərimli parlamentin bu gün keçirilən iclasında Nazirlər Kabinetinin 2021-ci ildə fəaliyyəti haqqında hesabatın müzakirəsi zamanı deyib.

Onun sözlərinə görə, bələdiyyələrə kredit ayrılmalıdır.

“Xahiş edirəm ki, şəhidlərin adının məktəblərə verilməsi ilə bağlı sənədlərə də dəyişiklik edilsin” – o, əlavə edib.